Tuesday, November 26, 2013

RUCO YATOA WAWILI WA SHAHADA YA UZAMIVU KATIKA SHERIA, NI MARA YA KWANZA TANGU CHUO KIKUU CHA MT AUGUSTINO KIANZISHWE





KWA mara ya kwanza katika historia ya miaka 15 tangu kianzishwe, Chuo Kikuu cha Mtakatifu Augustino (SAUT) kimehudhurisha wahitimu wawili wa Shahada ya Uzamivu katika sheria (Ph.D).





Wahitimu hao, mtanzania Mandopi Kevin na mnaigeria Gbadebo Anthony Olagunju walitunukiwa shahada hizo juzi katika mahafali ya sita ya Chuo Kikuu Kishiriki cha SAUT cha Ruaha (Ruco), mjini Iringa.

Pamoja na madaktari hao wa sheria, MKUU wa Chuo Kikuu cha SAUT, Askofu Tarcisius Ngalalekumtwa aliwatunuku vyeti wahitimu wengine 1,777 wa astashahada, stashahada, shahada na shahada ya uzamili katika fani mbalimbali zinazotolewa Ruco.

Fani hizo ni katika sayansi za afya, ufundi sanifu madawa, sayansi ya kompyuta, sheria, biashara na utawala, sayansi ya ukutubi, elimu ya jamii na ualimu na sayansi ya lugha.

Kabla ya kuwatunuku vyeti hivyo, Askofu Ngalalekumtwa alisema “ulimwengu wa asa katika fani ya elimu ni wa ushindani mkubwa; haisaidii kulalamika kwamba elimu itolewayo katika vyuo vyetu ni duni wakati sisi wadau wa elimu hatufanyi juhudi yoyote katika kujikwamua kutoka katika hali hiyo.”

Alisema lipo tatizo la wahitimu wa vyuo vikuu kudhani kuwa elimu wanayopata ni kamilifu kumbe ni tone dogo katika bahari ya elimu na ni mwanzo wa njia ndefu ya kupambana na mazingira yanayowazunguka.

“napenda kuwaasa wahitimu waibweteke na kuridhika na kiwango cha alimu waliyopata; dunia ya sasa ni ya ushindani mkubwa. Mjenge dhana ya kutaka kujiendeleza zaidi kwani elimu haina mwisho,” alisema.

Kwa upande wake Mkuu wa chuo cha Ruco, Dk Cephas Mgimwa alisema kutokana na mafanikio makubwa kinayozidi kuyapata, chuo chao kiko katika mchakato wa kuwa chuo kinachojitegemea.

“Tunataka kuwa chuo kikuu kinachojitegemea nje ya vyuo vya SAUT, naomba niwahakikishie mababa Askofu na wadau wengine wote kwamba tumejidhatiti na tupo tayari kujitegemea,” alisema.

Alisema adidu za rejea katika kufikia azma hiyo zinatekelezwa na kwamba hivisasa wanasubiri mamlaka inayohusika (TCU) iwakague pamoja na kupitia machapisho ya sera za chuo, kumbukumbu  mbalimbali na miundombinu.

Alisema chuo hicho na vingine vinavomilikiwa na makanisa havipendelewi bali vinapendwa kwasababu vinafanya kazi kwa faida na maendeleo ya Taifa.

Habari hii kwa hisani ya BONGO LEAKS

=30=



Saturday, November 16, 2013

World Cup qualifiers: Cristiano Ronaldo saves Portugal, France facing exit



At Lisbon's Stadium of Light, Ronaldo edged Ibrahimovic in the battle of potential World Cup superstars, scoring a late diving header which gave Portugal a 1-0 win over Sweden.

Paris:  France were facing World Cup elimination on Friday after slumping to a 2-0 play-off first-leg defeat in Ukraine while Cristiano Ronaldo kept Portugal's hopes alive with the only goal in a 1-0 win over Sweden.

                     Zlatan Ibrahimovic v Christian Ronald
Former European champions Greece were left sleeping comfortably on their hopes of making the finals in Brazil after beating Romania 3-1.

Meanwhile, Iceland's dream of becoming the smallest nation ever to qualify for the World Cup was left on a knife-edge after a 0-0 draw at home with Croatia.

France have it all to do in the second leg in Paris on Tuesday after defeat in Kiev meant they face missing out on the World Cup for the first time in two decades.

Roman Zozulia gave Ukraine a deserved lead in the 61st minute at the 70,000-capacity Olympic Stadium in Kiev and Andriy Yarmolenko made it 2-0 from the penalty spot with eight minutes left after Laurent Koscielny had brought down Zozulia inside the area.

Arsenal defender Koscielny was then sent off following a clash with Oleksandr Kucher, before the Ukrainian defender was also dismissed as tensions between the two teams spilled over.

Ukraine were worthy of their win and, having denied France an away goal, can now consider themselves strong favourites to go through to their second World Cup finals.

"We're not beaten yet, there's always hope," said France goalkeeper and captain Hugo Lloris.

"We know we have enough quality to turn it around."

Ukraine coach Mikhail Fomenko said his only regret was not getting a third goal.

"At half-time, I asked my players to step things up a gear and they responded," he said.

"Our first goal was the crucial moment. It would have been better if we had managed to win 3-0 and we had chances to get a third goal."

At Lisbon's Stadium of Light, Cristiano Ronaldo edged Zlatan Ibrahimovic in the battle of potential World Cup superstars, scoring a late diving header which gave Portugal a 1-0 win over Sweden.

The Real Madrid star headed past Sweden goalkeeper Andreas Isaksson in the 82nd minute from six yards out after a fine left-wing cross from Miguel Veloso.

Ronaldo, who now has 29 goals for club and country this season, almost made it 2-0 moments later when another header thundered back off the crossbar.

But the Portuguese had to settle for a one-goal edge ahead of the second leg in Stockholm, where star striker Ibrahimovic will be key to helping Sweden to the finals in Brazil next year after a low-key performance on Friday.

"It was an important goal and it gave us victory," said Ronaldo.

"We could have scored one or two more goals but this advantage gives us confidence for the second leg.

"Nothing is settled yet. It's 50-50. I cannot promise that we will qualify but I will do all I can to achieve it."

In Piraeus, two goals by Olympiakos striker Kostas Mitroglou lifted Greece to a 3-1 win over Romania.

A packed crowd of 32,000 at the Karaiskakis Stadium saw coach Fernando Santos's team enjoy a convincing victory which provided a comfortable cushion for the return match on Tuesday.

Mitroglou scored one goal in each half and PAOK forward Dimitris Salpingidis added another in the first half.

The lone goal for Romania was scored by Genclerbirligi forward Bogdan Stancu in the first half.

"Nothing has been decided yet. We need to keep a clear mind," said Santos.

"We're halfway there. The players worked a lot and managed to seize the opportunities we had."

In Reykjavik, Iceland were reduced to 10 men for the final 40 minutes but managed to thwart relentless waves of Croatian attacks.

Home defender Olafur Skulason was red-carded in the 51st minute after bringing down Ivan Perisic.

"Croatia were the best of the two teams and created the best chances," said coach Niko Kovac, in charge of the national side for the first time.

Iceland coach Lars Lagerback criticised the officials.

"The players did a good job but the referee did not have a good day," said the Swede.
@NDTVsports.com

Wednesday, November 13, 2013

BODI YA LIGI YAFUNGIA VIWANJA SABA



Bodi ya Ligi Kuu Tanzania (TPL Board) imefungia viwanja saba vilivyokuwa vikitumiwa na timu za Ligi Kuu ya Vodacom (VPL) na Ligi Daraja la Kwanza (FDL) hadi vitakapofanyiwa marekebisho ili kukidhi mahitaji ya mechi za mpira wa miguu.

Uamuzi huo umefikiwa na TPL Board katika kikao chake cha kwanza kilichofanyika juzi (Novemba 10 mwaka huu) jijini Dar es Salaam ambapo pamoja na mambo mengine kilipitia ripoti za mechi za VPL na FDL katika mzunguko wa kwanza.
                               Boniface Wambura

Viwanja vilivyofungiwa na marekebisho yanayotakiwa kufanyika kwanza ili viruhusiwe kutumika tena ni Uwanja wa Kaitaba mjini Bukoba (majukwaa yake yamechakaa, hivyo kuhatarisha usalama wa watazamaji), na Uwanja wa CCM Mkwakwani jijini Tanga (vyumba vya wachezaji kubadilishia nguo (dressing rooms) havina hadhi).

Uwanja wa Kumbukumbu ya Sokoine jijini Mbeya (sehemu ya kuchezea- pitch ni mbovu), Uwanja wa Kumbukumbu ya Sheikh Kaluta Amri Abeid jijini Arusha (pitch ni mbovu), Uwanja wa Ali Hassan Mwinyi (vyumba vya kubadilishia kutumika kwa ajili ya shule ya awali), Uwanja wa Majimaji mjini Songea (pitch ni mbovu) na Uwanja wa Jamhuri mjini Morogoro (pitch ni mbovu). 

Klabu ambazo timu zake zinatumia viwanja hivyo zimeshaarifiwa rasmi juu ya uamuzi huo ambapo ama vinatakiwa kuwasiliana na wamiliki wa viwanja hivyo ili wafanye marekebisho au kutafuta viwanja vingine vya kuchezea mechi zao.

Kwa upande wa ripoti za mechi za VPL; Mbeya City imepigwa faini ya sh. 500,000 na kupewa onyo kali kwa timu yake ya U20 kutocheza mechi ya utangulizi walipocheza na Yanga. Pia wanatakiwa kulipa gharama za uharibifu baada ya washabiki wao kuvunja kioo cha basi la Yanga baada ya gharama hizo kuthibitishwa na Bodi ya Ligi. 

Pia Mbeya City imepigwa faini ya sh. 500,000 kwa washabiki wake kushambulia basi la wachezaji wa Tanzania Prisons baada ya mechi dhidi yao, na kulipa gharama za uharibifu baada ya kuthibitisha na Bodi ya Ligi.

Coastal Union imepigwa faini ya sh. 500,000 kutokana na vurugu za washabiki wake ilipocheza na Azam kwenye Uwanja wa Mkwakwani ambapo mwamuzi msaidizi Hassan Zani alishambuliwa kwa mawe na kujeruhiwa mkononi na kichwa, tukio lililosababisha mchezo kusimama kwa dakika tatu.

Beki wa Coastal Union, Hamad Khamis wa Coastal Union amepigwa faini ya sh. 500,000 kwa kumpiga kichwa kwa makusudi Kipre Tchetche wa Azam. Kitendo hicho kilisababisha refa amtoe nje kwa kadi nyekundu, hivyo atakosa mechi tatu zinazofuata za timu yake.

Mchezaji Cosmas Lewis wa Ruvu Shooting alifanya kitendo cha utovu wa nidhamu kwa kupiga kelele wakati mgeni rasmi akisalimia timu na kukataa kupeana mkono na kamishna kwenye mechi dhidi ya Rhino Rangers, hivyo amefungiwa mechi tatu na kupigwa faini ya sh. 500,000.

Mtunza vifaa (Kit Man) wa JKT Ruvu, Selemani Oga aliondolewa kwenye benchi la ufundi wakati wa mechi yao dhidi ya Mbeya City kwa kosa la kutoa lugha chafu kwa refa, hivyo suala lake litapelekwa katika Kamati ya Maadili.

Kocha Msaidizi wa Oljoro JKT, Fikiri Elias amepigwa faini ya sh. 500,000 na kufungiwa mechi tatu kwa kumshambulia kwa matusi refa wakati wa mechi yao dhidi ya Ashanti United. Naye mtunza vifaa wa timu hiyo Elas Justin amepelekwa Kamati ya Maadili kwa kumshambulia refa kwa matusi ya nguoni.

Simba wamepigwa faini ya sh. 500,000 kutokana na vurugu za washabiki wake wakati wa mechi dhidi ya Kagera Sugar. 

Katika FDL, mchezaji Ally Mtoni wa Villa Squad amepigwa faini y ash. 200,000 na kufungiwa mechi tano. Kosa lake ni kujisaidia haja ndogo golini wakti wa mechi dhidi ya Ndanda FC iliyochezwa mjini Mtwara.

Kamishna Paul Opiyo wa mechi ya FDL kati ya Villa Squad na Transit Camp kwa kutokuwa makini. Katika ripoti yake ameeleza kuwa Transit Camp ilichelewa kufika uwanjani, lakini hakusema ilichelewa kwa muda gani.

Kocha wa Polisi Dar es Salaam, Ngelo Nyanjabha na Meneja wa timu hiyo Mrimi Masi wamepigwa faini ya sh. 200,000 na kufungiwa mechi tatu kila mmoja kwa kuongoza kundi la washabiki kumvamia refa wa mechi yao dhidi ya Villa Squad iliyochezwa Dar es Salaam.

Pia Bodi ya Ligi imeagiza Polisi waandikiwe barua ya onyo kwa vile wakati waamuzi wanapigwa walikuwepo lakini hawakutoa msaada kwa wakati.

Kocha wa Friends Rangers, Kheri Mzozo amepigwa faini ya sh. 200,000 na kufungiwa mechi sita kwa kosa la kumtukana refa na kutishia kuhamamisha washabiki waingie uwanjani kufanya fujo kwenye mechi dhidi ya Villa Squad.

Naye Kocha msaidizi wa timu ya Transit Camp, Haji Amiri amepigwa faini ya sh. 200,000 na kufungiwa mechi sita kwa kutoa lugha ya matusi kwa mwamuzi wa akida wakati wa mechi dhidi ya Friends Rangers.

Adhabu zote zimetolewa kwa mujibu wa kanuni. Pia Bodi ya Ligi imeahirisha kufanya uamuzi wa mechi kati ya Stand United na Kanembwa JKT iliyochezwa Uwanja wa Kambarage ili kukusanya taarifa zaidi. Mechi hiyo haikumalizika. Bodi ya Ligi itakutana tena Jumapili (Novemba 17 mwaka huu).

FUTURE TAIFA STARS vs TAIFA STARS UWANJANI KARUME
Timu za Taifa za Future Taifa Stars na Taifa Stars zinacheza kesho (Novemba 13 mwaka huu). Mechi hiyo ya kirafiki itafanyika Uwanja wa Kumbukumbu ya Karume jijini Dar es Salaam kuanzia saa 10 kamili jioni.

Mechi hiyo ni maalumu kwa Benchi la Ufundi la Taifa Stars linaloongozwa na Kim Poulsen kuangalia wachezaji kumi kutoka Future Taifa Stars watakaoongezwa katika Taifa Stars tayari kwa mechi ya kirafiki ya kimataifa itakayochezwa Novemba 19 mwaka huu jijini Arusha.

Watazamaji 300 tu wataruhusiwa kushuhudia mechi hiyo kwa kiingilio cha sh. 5,000.
Taifa Stars inayodhaminiwa na Kilimanjaro Premium Lager imeingia kambini leo (Novemba 12 mwaka huu). Miongoni mwa wachezaji wanaotarajia kuripoti ni kipa Ivo Mapunda wa Gor Mahia.

Boniface Wambura
Kaimu Katibu Mkuu
Shirikisho la Mpira wa Miguu Tanzania (TFF)

KINANA KUANZA ZIARA YA SIKU 22 MIKOA YA MBEYA NA RUVUMA




Katibu Mkuu wa CCM Ndugu Abdulrahaman Kinana ataanza ziara ya siku 22 kwenye mikoa ya Ruvuma na Mbeya kuanzia tarehe 15/11/2013 mpaka mwanzoni mwa mwezi wa Desemba 2013. 

Huu ni mwendelezo wa ziara za kichama katika kuimarisha chama, kukagua utekelezaji wa Ilani ya Uchaguzi ya CCM ya mwaka 2010,  kusikiliza kero mbalimbali za wananchi na kushirikiana nao kuzitafutia ufumbuzi. 
                            Ndugu Abdulrahaman Kinana

Katika ziara zilizopita na vikao kadhaa vya chama  Serikali iliagizwa kushughulikia baadhi ya kero, na tumeshuhudia baadhi ya hoja hizo zikichukuliwa hatua. Baadhi ya hoja zilizoanza kushughulikiwa na Serikali ni pamoja na:-

1)         Hoja ya kufufua viwanda nchini.

Baada ya ziara kadhaa za Katibu Mkuu, uchambuzi na vikao kadhaa vya CCM, Chama kiligundua kuwa viwanda vingi vilivyo binafsishwa havifanyi kazi kama ilivyokusudiwa na vingine kufungwa kabisa na kugeuzwa magodauni.

Pamoja na athari kubwa kwa uchumi wa nchi yetu, kufungwa na kutofanya vizuri kwa viwanda hivyo kumechangia sana tatizo la ajira nchini kuwa kubwa. Hivyo Chama kiliagiza Serikali kufanya tathmini ya viwanda vyote vilivyo binafsishwa na hali yake kwa sasa na vile visivyofanya kazi kama ilivyokusudiwa vichukuliwe na Serikali na kutafuta njia sahihi ya kuvifufua upya.

Serikali imechukua hatua kadhaa katika hili, ikiwemo kufanya tathmini na mapendekezo kadhaa yamewasilishwa na timu iliyoundwa na Serikali kwa ajili ya kufanyia uamuzi na kuchukua hatua.

Tunajua zipo hatua kadhaa zimechukuliwa katika jitihada za kufufua viwanda vya kubangua korosho kama sehemu ya utatuzi wa tatizo la soko na zao la korosho. Pia Serikali ipo katika hatua kadhaa za kushughulikia viwanda vingine nchini.

Tunaipongeza serikali kwa hatua hii muhimu ya kutekeleza agizo la chama. Tunaitaka serikali ikamilishe zoezi hili mapema iwezekanavyo ili nchi ifaidike na ufufuaji huu wa viwanda nchini.


2)         Changamoto kwa wakulima wa pamba

Katika ziara ya Katibu Mkuu mikoa kadhaa ya Kanda ya Ziwa, alitumia muda mrefu kujifunza na kuzungumza na wakulima wa zao la pamba wa mikoa hiyo. Pamoja na tatizo kubwa la soko na bei ya pamba, pamekuwa  na changamoto kubwa ya mfumo unaosimamia zao la pamba ikiwemo upatikanaji wa pembejeo.

Hatua kadhaa zimeanza kuchukuliwa na Serikali ikiwa ni pamoja na kuvutia uwekezaji kwenye viwanda vya kutengeneza nyuzi, nguo na kukamua mafuta ya pamba. Tulishuhudia ujenzi wa viwanda kadhaa mjini Shinyanga, vingi vikijengwa na wawekezaji kutoka China.

Lakini wakati wa Bunge la juzi, Serikali imeamua kutoa ruzuku ya asilimia hamsini kwa mbegu bora za pamba ili kuwawezesha wakulima kumudu bei ya mbegu hizo na hivyo kuboresha zao la pamba nchini na maisha ya wakulima kuwa bora zaidi.(bei ya dukani kwa kilo moja ni Sh. 1,200/=; Serikali italipia
Sh.600/=).

Katika hili la mbegu bora na kilimo cha mkataba tunaitaka Serikali na hasa wakuu wa wilaya na mkoa kuacha mara moja kutumia nguvu kuwalazimisha wakulima kulima kwa mkataba na kutumia mbegu bora badala yake wawaelimishe na kuwashawishi badala ya kutumia nguvu.

Tunaipongeza Serikali kwa kuanza kuchukua hatua za kutekeleza baadhi ya mapendekezo ya CCM ya namna ya kutatua matatizo yanayowakabili wakulima wa pamba nchini. Tunaitaka Serikali kuongeza kasi ya utatuaji wa changamoto hizo ili wakulima wa pamba wafaidike na uchumi wa nchi kukua kwa kasi nzuri.

3).        Migogoro kati ya wakulima, wafugaji na hifadhi juu ya matumizi ya   
ardhi

Katika ziara mbalimbali za Katibu Mkuu kwenye mikoa kama ya Morogoro, Njombe, Simiyu, Mara n.k. alishuhudia migogoro mingi sana juu ya wakulima, wafugaji na hifadhi  mbalimbali nchini. Hakuna shaka migogoro hiyo imegharimu sana maisha ya watu na mali zao na hata uchumi wa nchi yetu.

Chama kiliagiza migogoro hiyo kushughulikiwa mapema na kupata ufumbuzi wa kudumu. Chama kinalipongeza Bunge na hasa Wabunge wa CCM na Serikali yake kwa uamuzi wa kuunda Kamati teule ya Bunge kuchunguza na kutoa
mapendekezo ya hatua kadhaa za kuchukuliwa katika kufikia suluhisho la kudumu kwa migogoro hii.

Tunawaomba wananchi watoe ushirikiano wa kutosha kwa kamati teule ya Bunge ili kazi hii ya kamati iwe na matokeo mazuri yatakayosaidia kumaliza tatizo hili nchini. Wakati Kamati teule ya Bunge ikifanya kazi yake, tunawaomba wakulima na wafugaji kote nchini kutulia kusubiri matokeo ya kamati hii teule ya Bunge.

Hivyo basi,  ziara hii ya Katibu Mkuu imelenga pamoja na mambo mengine kuimarisha Chama, kukagua Ilani ya Uchaguzi ya CCM na kusikiliza kero za wananchi. Tumeona jinsi ziara zilizotangulia zilivyokuwa na matokeo mazuri, tunaamini ziara hii pia itakua na matokeo mazuri.

Imetolewa na:-

Nape Moses Nnauye,
KATIBU WA HALMASHAURI KUU YA TAIFA
ITIKADI NA UENEZI
12/11/2013