HAFLA YA KUMPANDISHA CHEO LCPL ELIAS ADRIANO MBEGA

TAFRIJA YA KUMPONGEZA LCPL ELIAS ADRIANO MBEGA KWA KUPANDISHWA CHEO

CPL William Kibasa (kushoto) na CPL Richard Mtove (kulia) wakifuatilia matukio ya hafla hiyo.

SGT Felister Maginga (kulia) na PTE Dorah Kibiki (kushoto) wakifuatia matukio ya hafla hiyo.

LCPL Elias Adriano Mbega akiwashukuru Maafisa, Snrnco Maaskari kwa kumuandalia tafrija ya kupandishwa cheo.

COL. SV. Shayo Mshauri wa Mgambo Mkoa wa Iringa akiteta jambo na CPL Goodluck Mwasubila.

LCPL Elias Adriano Mbega akifurahia hafla yake ya kupandishwa cheo.

CGT Felister Maginga akisalimia

CPL. Goodluck Mwasubila akibadilishana mawazo na Afisa Ugavi wa Mkoa Janeth Kitinye.

LCPL Elias Adriano Mbega akibadilishana mawazo na mate wake PTE. Dorah Kibiki.

SALAMU ZA RC IRINGA KATIKA MAZISHI YA MWANAJESHI ALIYEFARIKI DARFUR -SUDAN

Salamu za Mkuu wa Mkoa wa Iringa, Mhe. Dkt. Christine G. Ishengoma (Mb.) katika mazishi ya CPL Osward Paulo Chaula amesema yafuatayo:

 

 Mkuu wa Mkoa wa Iringa, Mhe. Dkt. Christine G. Ishengoma (Mb.) akitoa salamu za Mkoa wa Iringa

 Wanajeshi wakitoa heshima zao kwa marehemu CPL. Osward Paulo Chaula

Kwa masikitiko makubwa kwa niaba ya wananchi wa mkoa wa Iringa, napenda kutoa poke kwa familia ya Paulo Chaula kwa kufiwa na kijana wetu askari CPL.Osward Paulo Chaula, ambaye alikuwa akishiriki ulinzi wa amani nchini Darfur, Sudan.

Tukio hilo lilitokea tarehe 13 Julai, 2013.

Mkoa wa Iringa na Taifa kwa ujumla, tunakiri kwamba tumeondokewa na kijana wetu shujaa, mzalendona mchapa kazi ambaye umauti umemkumba akiwa kazini. askari huyu alikuwa tegemeo kubwa kwa Taifa letu la Tanznaia. Tunaahidi tutayaenzi yale yote mazuri aliyotuachia watanzania.

kutokana na tukio hilo, Ofisi ya Mkuu wa Mkoa wa Iringa pamoja na Ofisi ya Mkuu wa Wilaya ya Kilolo zinatoa pole ya Tshs. 500,000/= kwa familia ya Paulo Chaula.

=30=

MATUKIO KATIKA PICHA YA MAZISHI YA MWANAJESHI ALIYEFARIKI DARFUR NCHINI SUDAN 

 Mkuu wa Mkoa wa Iringa, Mhe. Dkt Christine G. Ishengoma (Mb.) akisaini kitabu cha wageni katika mazishi ya CPL.Osward Paulo Chaula

 Baadhi ya waombolezaji wakipita kutoa heshima zao za mwisho mbele ya mwili wa marehemu CPL.Osward Paulo Chaula

Waombolezaji wakiomboleza kifo cha CPL.Osward Paulo Chaula

Mkuu wa Mkoa wa Iringa, Mhe. Dkt. Christine Ishengoma (Mb.) akiaga mwili wa marehemu

Mkuu wa Wilaya ya Kilolo Mhe. Gerald Guninita akiaga mwili wa marehemu CPL.Osward Paulo Chaula

Wapiganaji wenzake wakiaga mwili wa CPL.Osward Paulo Chaula

Kaimu Katibu Tawala Mkoa wa Iringa akiaga mwili wa marehemu CPL.Osward Paulo Chaula

Wapiganaji wenzake wa Jeshi la Wananchi wakiaga mwili wa CPL.Osward Paulo Chaula

Wapiganaji wenzake wa Jeshi la Wananchi wakiaga mwili wa CPL.Osward Paulo Chaula

Wapiganaji wenzake wa Jeshi la Wananchi wakiaga mwili wa CPL.Osward Paulo Chaula

Wapiganaji wenzake wa Jeshi la Wananchi wakibeba jeneza lenye mwili wamarehemu wa CPL.Osward Paulo Chaula

Wanajeshi vijana wa JWTZ wakiwa wamebeba jeneza lenye mwili wa CPL.Osward Paulo Chaula

Mwili wa CPL.Osward Paulo Chaula ukipelekwa makaburini

Mkuu wa Mkoa wa Iringa, Mhe. Dkt. Christine Ishengoma (Mb.) akiweka udongo katika kaburi alimolala marehemu CPL.Osward Paulo Chaula

Kaimu Katibu Tawala Mkoa wa Iringa, Bibi Scolastica Mlawi akiweka udongo katika kaburi alimolala marehemu CPL.Osward Paulo Chaula

Waombolezaji wakiomboleza kifo cha CPL.Osward Paulo Chaula

Wapiganaji wa JWTZ wakiendelea na taratibu za kijeshi katika mazishi

Mkuu wa Mkoa wa Iringa, Mhe. Dkt. Christine Ishengoma (Mb.) akiweka Shada la ua katika kaburi alimolala marehemu CPL.Osward Paulo Chaula

Mkuu wa Mkoa wa Iringa, Mhe. Dkt. Christine Ishengoma (Mb.) akikabidhi rambirambi kwa familia ya marehemu CPL.Osward Paulo Chaula

MDAHALO WA FURSA ZA AJIRA KWA VIJANA WASOMI

TANGAZO LA MDAHALO

Mkurugenzi Mtendaji wa Asasi isiyo ya kiserikali ya Community Integrated Communication and Culture (CICC) anawatangazia vijana wote wahitimu wa vyuo vikuu na wanaosoma katika vyuo vikuu nchini kujitokeza kushiriki katika mdahalo wa fursa za Ajira nchini.

MADA itakayojadiliwa ni Mchango wa Vijana wasomi katika upatikanaji wa Ajira nchini.

Mdahalo huo utafanyika katika ukumbi wa Highland, Iringa siku ya Jumanne tarehe 23/07/2013 kuanzia saa 4:00Asubuhi hadi saa 6:00 Mchana.

Vijana wote waliohitimu vyuo vikuu na wanaosoma katika vyuo vikuu nchini mnakaribishwa.

Mzungumzaji Mkuu katika Mdahalo huo atakuwa Mhe. Mch. Peter Msigwa- Mbunge wa Iringa Mjini.

HAKUNA KIINGILIO

Kwa mawasiliano zaidi wasiliana na;

Bi. Neema Mwamoto,

Mkurugenzi Mtendaji CICC

SLP 554, Iringa

Mob: 0752090900,

RC ATAKA JAMII ISHIRIKISHWE KATIKA UTUNZAJI WA BARABARA

Serikali mkoani Iringa imetaka jamii ishirikishwe ipasavyo juu ya dhana ya utunzani wa barabara ili kuhakikisha barabara zinadumu na kupitika muda wote. 

Kauli hiyo imetolewa na Mkuu wa Mkoa wa Iringa, Dkt. Christine Ishengoma wakati akifungua kikao cha kamati ya ushauri ya mkoa wa Iringa (RCC) kilichofanyika katika ukumbi wa Siasa ni Kilimo mjini Iringa.

Dkt. Christine amesema “katika kuhakikisha tunakuwa na barabara zinazopitika muda wote, nimeona mapungufu ya ushiriki wa jamii juu ya utunzaji wa barabara hizo. Wananchi wamekuwa wakifanya shughuli ndani ya hifadhi ya barabara na kuacha uchafu kwenye barabara na uchafu huo kuziba mifereji na kuharibu barabara”. Aidha, amewataka wajumbe wa kikao hicho kutoa elimu kwa wananchi ili washiriki kikamilifu katika utunzaji wa barabara hizo ili ziweze kudumu na kuwahudumia kwa muda mrefu. Amesema kuwa uchafu unaharibu mazingira, unaziba mifereji ya barabara na kusababisha mafuriko kwenye makazi ya wananchi.

Mkuu wa mkoa wa Iringa ametoa rai kwa viongozi na wananchi kushirikiana na miradi ya ujenzi na ukarabati wa barabara ya Iringa –Dodoma na Iringa-Mafinga. Amesema kuwa ushirikiano huo na elimu kwa wananchi utasaidia kukomesha hujuma za wizi hasa wa mafuta na ementi ili miradi hiyo iweze kuwa ya manufaa kwa mkoa wa Iringa na taifa kwa ujumla na kukamilika kwa muda muafaka.

Aidha, amewataka wajumbe hao kuendela kushirikiana katika kutoa elimu kwa wananchi juu ya Sheria mpya ya hifadhi ya barabara ambayo ni mita 30 kil upande kutoka katikati ya barabara. Amesema “wananchi waendelee kuelimishwa juu ya umuhimu wake kwani wanapojenga na kubomolewa nyumba zao haipendezi. Inawagharimu na kuwaumiza sana” alisisitiza Mkuu wa mkoa wa Iringa.

=30=

DKT. ISHENGOMA AKEMEA KILIMO KANDO YA RUAHA

Mkuu wa Mkoa wa Iringa Dkt. Christine Ishengoma amekemea tabia ya ulimaji kandokando ya mto Ruaha ili kukulinda na kuhifadhi mazingira na vyanzo vya maji.

Kauli hiyo ameitoka katika hotuba yake iliyosomwa kwa niaba yake na Naibu Meya wa Manispaa ya Iringa Hamza Ginga ambaye ni diwani wa Kata ya Kwakilosa katika kijiji cha Kiwere Wilayani Iringa.

Dkt. Christine amesema kuwa tatizo la ulimaji kandokando ya mto Ruaha na mito mingine ni chanzo cha uharibifu wa mazingira. Amesema kuwa maeneo ya kando kando ya mito katika wilaya zote mkoani Iringa yamevamiwa na watu ambao wamekuwa wakilima hadi kwenye kingo za mito.amesema kuwa pamoja na kuwepo kwa sheria zinazozuia ulimaji huo, bado utekelezaji wake ni hafifu. Aidha, katika kudhibiti uharibifu huo amezitaka Halmashauri kuchukua hatua za kisheria dhidi ya waharibifu hao. 

Mkuu wa Mkoa ameziagiza Halmashauri na vijiji kuhakikisha ulimaji kandokando ya mito na kwenye vyanzo vya maji unaachwa mara moja. Amesema kuwa watu wanaolima kandokando ya mito na kwenye vyanzo vya maji na maeneo mengine yaliyokatazwa kisheria wachukuliwe hatua za kisheria. Amesema kuwa tabia ya ulimaji wa vinyungu umechangia sana kupunguza maji katika mito kutokana na kupungua kwa akiba ya maji katika maeneo oevu. Amewataka wananchi kuzingatia sheria ya maji ambayo mtu haruhusiwi kulima karibu na kingo za mito katika umbali wa mita 100 kutoka kwenye kingo ya mto. 

Dkt. Christine amewaagiza wananchi kuhakikisha kuwa miti iliyopandwa inatunzwa na kuzuia moto kichaa kuchoma miti hiyo. Aidha, ameutaka uongozi wa wilaya kusimamia kwa umakini na kuwachukulia hatua kali wale wote watakaobainika kujihusisha na uchomaji moto miti. Amewataka wananchi kuwajibika kuzuia misitu isiungue moto na kuhakikisha kuwa hakuna moto kichaa mahali popote.

Akiongelea vyanzo vya maji, Mkuu wa Mkoa wa Iringa amesema “vyanzo vya maji ni urithi wa taifa kila mtanzania ana haki ya kufaidika na rasilimali hii. Hivyo kila mtanzania ana wajibika kutunza vyanzo vya maji”. Amewataka wale wote waliovamia vyanzo vya maji na kukata miti na kulima katika maeneo hayo  waondoke mara moja na Serikali za vijiji ziwachukulie hatua wavamizi hao. 

Siku ya mazingura duniani katika mkoa wa Iringa ilitanguliwa na shughuli mbalimbali zikiwemo kutoa mafunzo maalumu kuhusu vyanzo vya maji na elimu juu ya mpango wa usimamizi shirikishi wa misitu, kutoa elimu juu ya madhara ya uharibifu wa mazingira, kufanya kampeni za kuzuia ulimaji kandokando ya vyanzo vya majina kutengeneza barabara za moto kuzuia misitu ya asili na ya kupandwa kuungua.

=30=