TAARIFA YA MHE.DR CHRISTINE G. ISHENGOMA, MKUU WA MKOA WA IRINGA KWA WAANDISHI WA HABARI KUHUSU MAANDALIZI YA KUUPOKEA MWENGE WA UHURU KIMKOA TAREHE 23 JUNI, 2014

Ndugu Waandishi wa Habari,

Mkoa utapokea Mwenge wa Uhuru kutoka Mkoa wa Morogoro tarehe 24 Juni 2014. Makabidhiano yatafanyika katika kijiji cha Ruaha Mbuyuni kuanzia saa 2.00 hadi saa 3.00 asubuhi.

Maeneo ambako Mwenge utakimbizwa

Baada ya kuupokea Mwenge wa Uhuru kutoka Mkoa wa Morogoro Mkuu wa Mkoa wa Iringa atamkabidhi Mkuu wa Wilaya ya Kilolo ili aanze kuukimbiza katika Wilaya yake. Ukitoka Wilaya ya Kilolo Mwenge wa Uhuru utakimbizwa Katika Halmashauri ya Wilaya ya Iringa tarehe 25 Juni, 2014, Manispaa ya Iringa utakimbizwa tarehe 26 Juni, 2014 na Halmashauri ya Wilaya ya Mufindi utakimbizwa tarehe 27 Juni, 2014 kuanzia saa 2.00 hadi saa 3.00 asubuhi.

Ndugu Waandishi wa Habari,

Baada ya Mwenge wa Uhuru kukimbizwa katika Mkoa wa Iringa utakabidhiwa kwa Mkoa wa Njombe tarehe 28 Juni, 2014.

Ndugu Waandishi wa Habari,

Mwenge wa Uhuru ukiwa katika Mkoa wa Iringa utafanya shughuli za kukagua Miradi ya Maendeleo, kuweka mawe ya msingi, kufufungua na kuzindua jumla ya Miradi ya Maendeleo 42 yenye thamani ya Tsh. 3,109,958,020/=

Aidha, Mwenge wa Uhuru utatoa ujumbe katika maeneo yote ambako utakimbizwa. Miradi ambayo itatembelewa na Mwenge wa Uhuru ni miradi ya Barabara, Miradi ya Elimu, Miradi ya Afya, Miradi ya Kilimo na ufugaji, Miradi ya Vijana na wanawake na Miradi ya Hifadhi ya Mazingira.

Ndugu Waandishi wa Habari,

Kila mwaka Mwenge wa Uhuru hubeba ujumbe maalumu ambao hukusudiwa kuwasilishwa kwa wananchi kuhusu jambo muhimu linalohusu Taifa katika wakati uliopo. Ujumbe maalumu wa Mwenge wa Uhuru kwa mwaka 2014 unasema: ‘’katiba ni Sheria kuu ya Nchi’’ wenye kauli Mbiu’ jitokeze kupiga kura ya maoni tupate katiba mpya. Sambamba na ujumbe maalumu, Mwenge wa Uhuru kila huwa unatoa elimu na kuhamasisha wananchi kupambana na maadui watatu wa maendeleo ambao ni Rushwa, Matumizi ya Dawa za Kulevya na ugonjwa wa UKIMWI.

Ndugu Waandishi wa Habari,

Ninapenda kutumia fursa hii kuviomba vyombo vya habari na ninyi waandishi wa habari kuwahamasishwa wananchi katika Halmashauri zote za Mkoa wa Iringa kujitokeza kwa wingi kuulaki Mwenge wa Uhuru katika maeneo yote ambako utapita, kushiriki katika mikesha ya Mwenge pamoja na kupokea ujumbe wa Mwenge wa Uhuru wa mwaka huu 2014.

Ndugu Waandishi wa Habari,

Ninawasihi wananchi kuendelea kudumisha amani na utulivu wakati wote ambapo Mwenge wa Uhuru utakuwa ukikimbizwa katika Mkoa wetu na hata baada ya kuhitimisha Mbio za Mwenge katika Mkoa wetu.

Ahsanteni sana kwa kunisikiliza.

MWENGE WA UHURU OYEEE!

IRINGA OYEEE!

TUME KUCHUNGUZA CHANZO CHA MGOGORO WA ARDHI KISHAPO NA IGUNGA

Na Magdalena Nkulu,Ofisi ya Mkuu wa Mkoa- SHINYANGA

Tume ya watu 18 imeundwa kuchunguza chanzo cha mgogoro wa kugombea ardhi kati ya wakulima na wafugaji wa wilaya za Kishapu mkoani Shinyanga na Igunga mkoani Tabora kufuatia matukio ya mauaji ya watu watano na uharibifu wa makazi.

Hatua hiyo imeazimiwa na kikao cha kamati za ulinzi na usalama za mikoa ya Shinyanga na Tabora kilichofanyika jana katika kijiji cha Magogo ambako vurugu hizo zimetokea.

 

Wakitoa taarifa baada ya  kikao hicho, Mkuu wa Mkoa wa Shinyanga Ally N. Rufunga na Mkuu wa Mkoa wa Tabora Bi. Fatuma Mwasa wamesema pamoja na kuundwa tume hiyo kikao kimeazimia kuwa, wafugaji walioko katika kijiji cha Magalata wilayani Kishapu mkoa wa Shinyanga wabaki kwenye eneo lao na wasivuke mto Manonga kulisha ng'ombe wao..

Pia, wakulima walioko katika vijiji vya Magogo na Isakamaliwa wilaya ya Igunga mkoani Tabora wabaki huko na wasivuke mto Manonga.

Aidha,wakulima walioharibiwa makazi waendelee na shughuli zao kama kawaida katika vijiji vya Magogo na Isakamaliwa mkoani Tabora aidha,ulinzi wa wananchi wa vijiji vya Magogo na Isakamaliwa unaimarishwa, askari polisi wameongezwa ili kuhakikisha usalama wa eneo hilo

Kikao pia kimeazimia waharibifu wa makazi ya watu na  wauaji wakamatwe ndani ya siku saba.

Azimio lingine ni kamati zote mbili kutoa Elimu kwa wananchi wa vijiji vya Magalata wilaya ya Kishapu na Magogo na Isakamaliwa wilaya ya Igunga, vilevile Halmashauri zote mbili za Igunga na Kishapu zihakikishe zinaboresha sheria ndogo ili kuwaadhibu wanaokiuka utaratibu wa mipaka.

Kwa pamoja, Mhe.Rufunga na Mhe. Mwasa wamesema serikali imelaani vikali vitendo hivyo vilivyofanywa na wafugaji wa jamii ya Kitaturu na kusema ni vitendo visivyovumilika kwani siyo desturi ya Watanzania hivyo serikali imetoa salamu za pole kwa wafiwa na itahakikisha majeruhi mmoja anahudumiwa na pia watuhumiwa lazima wakamatwe.

=30=

SERIKALI KUSIMAMIA UTUNZAJI VYANZO VYA MAJI

Na. Ofisi ya Mkuu wa Mkoa 17/3/2014

SERIKALI mkoani Iringa imejizatiti kusimamia utunzani wa vyanzo vya maji na misitu kwa kuwachukulia hatua za kisheria wale wote watakaokiuka na kuharibu vyanzo vya maji.

 

Katibu Tawala Mkoa wa Iringa, Wamoja Ayubu

Kauli hiyo imetolewa na Katibu Tawala Mkoa wa Iringa, Wamoja Ayubu alipokuwa akizindua maadhimisho ya wiki ya maji katika mkoa wa iringa katika kijiji cha Ihimbo wilayani Kilolo.

Wamoja amesema “serikali itachukua hatua stahiki kwa mtu au kikundi cha watu pale itakapobainika kwamba sheria ya utunzaji wa mazingira imekiukwa. Sheria ya mazingira ya mwaka 2002 inakataza shughuli yoyote ya kibinadamu umbali wa mita 60 kutoka ukingo wa mto”. Amewataka wananchi kuzingatia sheria hiyo muhimu ili kuweza kuepuka usumbufu wa kuchukuliwa hatua za kisheria na kuwezesha utunzaji wa rasilimali maji. 

Akiongelea kaulimbiu ya maadhimisho ya wiki ya maji isemayo uhakika wa upatikanaji wa maji na nishati, amesema kuwa serikali imejipanga vizuri kuhakikisha kaulimbiu inatekelezwa kwa kulinda sheria mbalimbali za utunzaji wa vyanzo vya maji na misitu. Amesema kuwa kaulimbiu inakumbusha changamoto inayoukabili mkoa ikiwepo ya utunzaji wa vyanzo vya maji kama chemchem, mabwawa, mito na misitu.

Amesema kuwa utunzaji wa rasilimali hizo utauhakikishia mkoa upatikanaji wa maji na nishati. Amesema kuwa maji na nishati vinategemeana na maji yanatumika kama vyanzo vya kuzalisha nishati kama mojawapo ya nishati. Ameongeza kuwa maji hustawisha misitu inayozalisha nishati. Kwa msisitizo amesema kuwa uhakika wa maji na nishati unategemea sana utunzaji wa mazingira.

Katibu Tawala Mkoa wa Iringa amewataka wananchi kudumisha jumuiya za watumia maji kama chombo cha kutunza miradi ya maji. 

Amesema “napenda kuwakumbusha kuwa serikali imejitoa katika kutunza na kuendesha miradi ya maji” amesisitiza Wamoja. Amesema kuwa ni jukumu la jamii nzima kuunga mkono jumuiya za maji zinazoundwa katika maeneo yao. Amewataka kutimiza wajibu kwa kutoa michango inayohitajika na waliyojipangia katika jumuiya zao.

Akiwasilisha taarifa ya hali ya upatikanaji huduma ya maji katika mkoa wa Iringa kwa mgeni rasmi katika uzinduzi wa maadhimisho ya wiki ya maji mkoani Iringa, Mhandishi wa Maji mkoa wa Iringa, Shaban Kitambulio Jellan amesema kuwa wananchi wanaopata huduma ya maji safi mijini katika mkoa wa Iringa ni 189,644 kati ya wananchi 247,156 ambayo ni sawa na asilimia 76.7 ya wananchi wote waishio mijini.

Aidha, hali ya huduma ya maji inategemewa kuongezeka mara baada ya kutekelezwa kwa miradi katika miji ya Ilula, Kilolo na Mafinga. Amesema kuwa miradi hiyo inategemewa kutekelezwa kupitia progrmu ya maendeleo ya sekta ya maji (WSDP) na wananchi wapatao 57,512 wanatarajiwa kupata huduma bora ya maji safi na salama.

Akiongelea ujenzi wa miradi ya matokeo makubwa sasa (BRN), Mhandishi Jellan amesema kuwa mkoa unajenga miradi 42 ya maji yenye kuleta matokeo makubwa sasa. Amesema kuwa miradi hiyo ipo katika hatua mbalimbali za ujenzi. Amesema kuwa mkoa wa Iringa unahitaji kiasi cha Tshs. Bilioni 11.582 kwa ajili ya kuwalipa makandarasi, wataalamu waelekezi na usimamizi na ufuatiliaji wa ujenzi wa miradi hiyo.

=30=

MAN U 0-3 LIVERPOOL

STEVEN GERRARD & LUIS SUARES akunaga!

STEVEN GERRARD hakunaga!

STEVEN GERRARD hakunaga!

MARTIN & LUIS hakunaga!

ONGEZEKO LA WATU IRINGA WAONGEZA MAHITAJI YA ARDHI

Na. Ofisi ya Mkuu wa Mkoa

Ongezeko kubwa la idadi ya watu katika manispaa ya Iringa linaenda sambamba na ongezeko la shughuli kuichumi hatimae kusababisha kuongezeka kwa mahitaji na matumizi ya ardhi.

 

Afisa Mipango Miji wa Manispaa ya Iringa, Immaculate Senje

Kauli hiyo imetolewa na Afisa Mipango Miji wa Manispaa ya Iringa, Immaculate Senje alipokuwa akiwasilisha mada ya Mpango kamambe wa mji wa Iringa (Iringa Master Plan) 2015-2035 katika mkutano wa wadau wa maandalizi ya Mpango Kamambe wa Mji wa Iringa uliofanyika katika ukumbi wa mikutano wa shule ya sekondari ya Lugalo.

Senje amelitaja ongezeko la idadi ya watu katika mji wa Iringa linaloenda sambamba na ongezeko la shughuli za kiuchumi linasababisha kuongezeka kwa mahitaji na tumizi ya ardhi. Amesema ili kukabiliana na ongezeko la mahitaji ya matumizi ya ardhi upo umuhimu wa kuwa na mwongozo unaotoa dira ya ukuaji wa mji ambao ni endelevu.

Akiongelea matumizi ya ardhi, Afisa Mipango Miji wa Manispaa ya Iringa amesema kuwa mji wa Iringa kama ilivyo miji mingine nchini unayo maeneo ya makazi yaliyopangwa na kupimwa pamoja nay ale yanayoenelezwa kiholela. Amesema kuwa eneo la makazi lililopangwa wakati wa ukoloni liko katika makundi matatu ambayo ni ujazo wa chini, ujazo wa kati na ujazo wa juu.

Akiongelea maeneo ambayo yameendelezwa kiholela, ameyataja maeneo hayo kuwa yanapatikana katika kata za Mwangata, Ruaha, Mkwawa, Mtwivila, Kihesa na Nduli. Amesema kuwa yapo maeneo ya vijiji vilivyoingia katika Manispaa siku za karibuni kama Kigonzile, Nduli, Mgongo, Mkoga na kitongoji cha Ulonge kuwa yana makazi yaliyotawanyika.

Akielezea matarajio yake baada ya mkutano, Senje amesema kuwa masuala muhimu, kero na changamoto zinazowakabili wakazi wa Iringa zitaibuliwa na kuwa msingi mkuu utakaoongoza uandaaji wa Mpango Kamambe utakaokidhi mahitaji ya wakazi wa Manispaa ya Iringa.

=30=

SERIKALI KUTENGENEZA MASTER PLAN KWA KUSHIRIKISHA WADAU

Na. Ofisi ya Mkuu wa Mkoa

Serikali imedhamiria kuona mji wa Iringa unakuwa na kuwa na maendeleo endelevu kwa ustawi wa kwa kuandaa mipango shirikishi kwa wananchi.

 

Mwakilishi wa Mkuu wa Mkoa wa Iringa, Mkuu wa Wilaya ya Kilolo, Gerald Guninita

Kauli hiyoimetolewa na Mkuu wa Mkoa wa Iringa, Dkt. Christine Ishengoma katika hotuba yake ya ufunguzi wa mkutano wa wadau wa maandalizi ya mpango kamambe wa mji wa Iringa (Iringa Master Plan) iliyosomwa na Mkuu wa Wilaya ya Kilolo, Gerald Guninita.

Dkt. Ishengoma amesema “lengo kuu la kuandaa mpango kamambe ni kuwezesha ukuaji wa mji ambao ni endelevu katika Nyanja za kiafya, usalama, mpangilio mzuri, muonekano mzuri na ustawi wa jamii”. Amesema kuwa katika kufanikisha mpango huo, ushirikishaji mipango iliyopita na inayoendelea ya kisera katika ngazi mbalimbali za utendaji utazingatiwa.

Mkuu wa Mkoa amesema kuwa mpango kamambe husimamia uendeshaji wa mji kwa muda wa miaka 20. Amesema kuwa mpango huo unaweza kufanyiwa mapitio baada ya miaka mitano (5). Akiongelea umuhimu wa mpango amesema kuwa mpango hutoa mwongozo wa matumizi mbalimbali kwa ujumla kulingana na mahitaji ya jamii husika. Ameyataja matumizi hayo kuwa ni makazi, biashara, viwanda, kilimo, ufugaji na matumizi mengineyo.

Akiongelea Sheria ya Mipango Miji namba 8 ya mwaka 2007 na Sheria ya Ardhi namba 4 ya mwaka 1999 na Sheria nyinginezo, hifadhi ya mazingira husimamiwa na mamlaka ya upangaji kwa kushirikiana na wadau wa mji husika.

=30=